19 ოქტომბერს წიგნის სახლში დავითიანნთან არსებული ,,წიგნის მეგობრების” კლუბის ორგანიზებით გაიმართა წიგნის კითხვის სეზონის პირველი ღონისძიება, რომელიც მიეძღვნა ცნობილ ქართველ მწერალ ნოდარ დუმბაძეს. განხილულ იქნა მისი ბიოგრაფია და პიროვნება, შემოქმედება და ფილმები, რომლებიც დუმბაძის ნაწარმოებზეა შექმნილი. წიგნის კითხვის დღე დაასრულა ნოდარ დუმბაძის შვილისა და შვილიშვილის მიერ გადაღებულმა ფილმის პრეზენტაციამ, რომელიც მწერლის ცხოვრებას ასახავს. ღონისძიებას დაესწრო ნოდარ დუმბაძის შვილი ქეთევან დუმბაძე.
წიგნის კითხვისადმი მიძღვნილი ღონისძიებები გაიმართება ყოველ შაბათს სხვადასხვა ბიბლიოთეკებსა თუ წიგნის მაღაზიებში.შემოგვიერთდით და იკითხეთ წიგნები ჩვენთან ერთად.
